Миний зарууд Нэвтрэх ба бүртгэл
Нэвтрэх Миний зарууд Сайтын тохиргоо
Зар нэмэх

Түгээмэл асуулт, хариулт

Худалдан авагчдад

 

Сайт дээр бүртгүүлэх

 

Зар оруулах 

 

“Миний зарууд” болон хувийн тохиргоо

 

Төлбөртэй үйлчилгээ

Худалдан авагчдад

Зарын эзэнтэй хэрхэн холбогдох вэ?

Зарын эзэнтэй холбогдохын тулд та сонирхож буй зараа нээн “Дугаар харах” гэсэн товчлуур дээр дарна.

Үүний дараагаар дугаар бүрэн харагдах болно.

Хэрэв та гар утаснаасаа орж байвал дэлгэцийн доод хэсэгт байрлах “Залгах” гэсэн товчлуур дээр дарахад хангалттай.

Утасны дугаар байхгүй тохиолдолд, та зарын эзэнд зурвас илгээх боломжтой. Зурвас илгээх тохиолдолд “Чатлах” гэсэн товчлуур дарна. Үүний дараагаар зурвас илгээх цонх нээгдэх болно.
Ажлын зард зурвас илгээхээс өмнө та өөрийн и-мэйл хаягаа бичсэн эсэхээ сайтар шалгана уу.

Зарын тухай хэрхэн гомдол гаргах вэ?

Сайтын хэрэглэгч бүрт дурын заранд гомдол гаргах боломж бий.

Доорх шалтгааны улмаас ихэнхдээ гомдол гаргадаг:

  • Хэрэв зарын эзэн бараа зарагдсан эсвэл үйлчилгээ үзүүлэхээ болисон гэж хэлсэн боловч зар идэвхитэй хэвээрээ сайт дээр нийтлэгдсэн байх.
  • Нийтлэгдсэн зар нь луйварын зорилготой байх.
  • Нийтлэгдсэн зард худал мэдээлэл байх.

Заранд гомдол гаргахын тулд гар утаснаасаа орж байгаа бол зарын хуудасны доод хэсэгт, компьютерээс орж байгаа бол зарын хуудасны баруун талд байрлах товчлуур дээр дарна уу.

Гомдол гаргахдаа шалтгаанаа тодорхой бичнэ үү.

Гомдолыг 24 цагын дотор хянан шалгах болно.

Гар утасны хувилбар:

Компьютерийн хувилбар:

Сайт дээр бүртгүүлэх

Утасны дугаар баталгаажуулах ямар шаардлагатай вэ?

Сайтын хэрэглэгчдийн тоо нэмэгдсэнээр луйварчид манай хэрэглэгчдийг хууран мэхлэхийг оролдох болсон. Тиймээс бид бүх зарыг хянан шалгаж эхэлсэн билээ. Утасны дугаарыг баталгаажуулах нь зарын эзэнд болон сайтанд итгэл төрүүлж байгаа билээ.

Үүнээс гадна, утасны дугаарыг баталгаажуулах нь ямар нэгэн гуравдагч этгээд зарын эзний хувийн тохиргоонд нэвтрэхгүйн баталгаа болж байна.

Миний утсанд баталгаажуулах код бүхий мессэж ирээгүй тохиолдолд яах вэ?

  1. Утасны дугаараа зөв оруулсан эсэхээ шалгана уу. Бүртгүүлэхдээ зөвхөн гар утасны дугаар оруулах ёстойг анхаарна уу.
  2. Таны утас сүлжээтэй эсэхийг шалгана уу.
  3. Таны утас үйлчилгээний мессэж хүлээн авах боломжтой.
  4. Код илгээгдсэнээс хойш 10 гаруй минут өнгөрсөн тохиолдолд дахин код авахыг оролдоно уу.

Баталгаажуулах код дахин ирээгүй тохиолдолд ажлын өдрүүдэд, 9-18 цагийн хооронд харилцагчийн үйлчилгээний дугаар 7700-0515 утсаар лавлана уу. Бусад үед сайтын чатаар дамжуулан бидэнтэй холбогдоно уу.

Хаяг болон утасны дугаараа хэрхэн өөрчлөх вэ?

Зар оруулах явцад та өөрийн хот, нэр болон и-мэйл хаягаа өөрчлөх боломжтой. Харин утасны дугаараа өөрчлөх боломжгүй.

Мөн та өөрийн мэдээллийг “Тохиргоо” хэсгээс өөрчлөх боломжтой. 

“Бүртгэлийг өөрчлөх” гэсэн холбоос дарснаар танд өөрийн холбогдох мэдээллээ өөрчлөх хуудас нээгдэх болно. Уг хуудас дээр та өөрийн хот, нэр болон и-мэйл хаягаа өөрчлөх боломжтой.

Та өөрийн бүртгэлтэй утасны дугаараа солиулах бол ажлын өдрүүдэд, 9-18 цагийн хооронд харилцагчийн үйлчилгээний дугаарт хандана уу: 7700-0515.  Бусад үед сайтын чатаар дамжуулан бидэнтэй холбогдоно уу.

Хэрэглэгчийн нэр хэрхэн өөрчлөх вэ?

Зар оруулах явцад болон “Тохиргоо” хэсгээс та өөрийн мэдээллээ өөрчилж болно.

Байгууллагын лого хэрхэн нэмэх вэ?

Зар байршуулах үед танд байгууллагынхаа нэр, логоог оруулах боломж бий.

Байгууллагын логонд утасны дугаар, холбоо барих хаяг, сайтын холбоос болон бусад хаяг оруулж болохгүйг анхаарна уу! Түүнчлэн, байгууллагын логотой хамааралгүй бусад зураг болон “Яаралтай”, “Анхаараарай”, “Хямдрал” гэх мэт үг хэллэг мөн хориглогдоно.

Мөн “Тохиргоо” хэсгээс байгууллагын нэр, логоог нэмэх боломжтой юм.

“Бүртгэлийг өөрчлөх” дээр дарах үед холбоо барих хаягаа өөрчлөх хуудас нээгдэх болно.

Та өөрийн аль нэг зар дээр лого оруулснаар таны “Үл хөдлөх”, “Ажилд авна” категориудад орсон бүх зар хэрэглэгчдэд логотой харагдана.

“Үл хөдлөх” категорийн лого нь зар дотроо харагдах болно.

“Ажилд авна” категорийн лого нь бүх зарын жагсаалтад болон зар дотроо харагдана.

Зар оруулах

Зар хэрхэн нэмэх вэ?

Зар нэмэхийн тулд хуудасны дээд хэсэгт байрлах “Зар нэмэх” гэсэн товчлуур дарна.

Танд зар нийтлэх хуудас нээгдэх болно. Уг хуудас нь бөглөх шаардлагатай доорх хэсгүүдээс бүрдэнэ:

Категори болон дэд категорийг өөрийн таарсан зард сонгоно. Тэгснээр аль болох илүү хүн үзэх болно. Та өөрт таарсан зарын категорийг урдчилан мэдэж авахын тулд хайлт ашиглан ижил төстэй зар олж, уг категорийн дагуу зараа нийтлэж болно.

Жич: Зараа аль категорид байршуулах вэ?

Гарчиг нь зарлаж буй барааны нэр эсвэл үйлчилгээний тухай ойлгомжтой, үг зүйн алдаагүй, анхаарал татахуйц байна.

Үнэ – уг хэсгийг заавал бөглөнө! Хэрэв та үнээ тохиролцох бол “Үнэ тохирно”, хэрэв бартер хийн солилцох бол “Солино” гэснийг сонгоно.

Жич: Ямар үнэтэйг нь мэдэхгүй байвал ямар үнэ тавих вэ?

Зураг нэмэх. Чанартай зураг агуулсан зар нь зураггүй зараас 3-5 дахин илүү хандалттай байдаг. Олон зураг байх тусам сайн.

Жич: Зураг хэрхэн нэмэх вэ?

Тайлбар хэсэгт санал болгож буй бараа/үйлчилгээ/санал/ажлын байрны тухай тодорхой, дэлгэрэнгүй болон үнэмшэхүйц мэдээлэл оруулна. Ингэснээр бараагаа хурдан худалдах боломжтой болохоос гадна худалдан авагч болон үйлчлүүлэгчдээс ирэх нэмэлт залруулгаас зайлсхийнэ.

Байршилаа сонгох. Байршил нь худалдан авагч болон үйлчлүүлэгчдэд таны байршилыг мэдээллэхэд туслах болно. Хэрэв та үл хөдлөх хөрөнгийн зар нийтлэж байгаа бол тус үл хөдлөхийн байршил сонгох шаардлагатай.

Нэрээ оруулснаар таны зарын хуудас дээр таны нэр харагдана.

И-мэйл хаягаа оруулсанаар худалдан авагч болон үйлчлүүлэгчид танд захидал илгээх боломжтой болно.

Зараа нэмж дууссан тохиолдолд “Зар нэмэх” гэсэн товчлуур дарна. Үүний дараагаар таны оруулсан зар Админ руу хянагдахаар илгээгдэх болно.

Бүртгүүлэлгүйгээр зар нэмэх боломжтой юу?

Бүртгүүлэлгүйгээр зар нэмэх боломжгүй, учир нь зар нэмэх үед хэрэглэгчийн бүртгэл автоматаар явагдах болно. 

Зар яагаад админаар хянагдах ёстой вэ?

Админий зайлшгүй хяналт дараах шалтгаанаар хийгддэг:

  • Хэрэглэгчдийг луйварчдаас хамгаалах үүднээс.
  • Хууль бус агууллагыг устгахын тулд.
  • Хэрэглэчдэд зарыг нь нийтлэхэд туслах.

Зарыг зөвхөн нягтлан шалгасны дараагаар бүх зар нь сайт дээр холбогдох категоридоо зөв гарчигтай орох бөгөөд энэ нь бүх худалдан авагч нь хүссэн бараа, үйлчилгээгээ хурдан олох боломжтой болох юм.

Би өөрийн зараа нэмсэн даруйдаа яагаад харахгүй байна вэ?

Нэмэгдэж буй бүх зар админы хяналтаар ордог. Энэ нь ойролцоогоор 30 минут болно. Хянан шалгасны дараагаар зараа хайлтаар болон холбогдох категориос харж болно. Та зараа 23:00 цагаас хойш оруулсан бол өглөөний 08:00 цагаас эхлэн зарууд хянагдаж эхлэхийг анхаарна уу.

Яагаад миний зар буцаагдсан юм бол?

Таны зар буцаагдсан тохиолдолд таны оруулсан и-мэйл руу зар буцаагдсан шалтгааны тухай тайлбар захидал илгээгдэнэ. Түүнчлэн зар буцаагдсан шалтгаан нь “Миний зарууд” цэст байрлах “Буцаагдсан” хэсэгт байрлах болно.

Зар дээрээ даран буцаагдсан шалтгааны тайлбарыг харах боломжтой.

Зар буцаагдах түгээмэл шалтгаан:

1. Зар буруу категорид байрласан. Зардаа тохирох категорийг сонгоно уу. Ингэснээр таны зар илүү хандалттай болно. Та өөрт таарсан зарын категорийг урдчилан мэдэж авахын тулд хайлт ашиглан ижил төстэй зар олж, уг категорийн дагуу зараа нийтлэж болно.

Жич: Зараа аль категорид байршуулах вэ?

2. Зар нь бага мэдээлэлтэй. Та өөрийн бараа, үйлчилгээ болон ажлын зард хэт бага мэдээлэл оруулсан. Тайлбар нь яг юу зарж байгаа талаар тодорхой бус. Зарж буй зүйлийнхээ тайлбар, чанарын талаар дурдахдаа цагаа хэмнэх хэрэггүй.  Түүнийгээ анхаарал татахуйцаар, мөн үнэн зөв мэдээллээр сурталчилах хэрэгтэй. Өөрийн барааг дэлгэрэнгүй тайлбарлаж нийтэлсэнээр та худалдан авагчдын шаардлагагүй тодруулга бүхий дуудлага, захидалд хариулахаас зайлсхийх болно.

3. Буруу зураг. Магадгүй та холбоо барих мэдээлэлтэй (утас, и-мэйл) зураг оруулсан байж болно. Энэ нь сайт ашиглах дүрмийн дагуу хориотой болно.

Өөрийн зардаа зураг заавал оруулж байгаарай. Чанартай, тод зурагтай зарыг хэрэглэгчид зураггүй зараас илүүд үздэг.

Жич: Ямар зураг оруулж болох вэ?

4. Зар давхацсан. Зарын хүртээл нь зарын чанар болон өвөрмөц байдлаас шаалтгаалдаг. Бид давхацсан болон ижил зар оруулахыг хориглодог. Үүнд идэвхигүй ижил зар мөн хамаарна. Бүх ижил зарууд автоматаар буцаагддаг.

Жич: “Ижил зар” гэсэн тайлбартай буцаалт ямар утгатай вэ?

5. “Хайж байна” зар. Бараа бүтээгдэхүүн, үйлчилгээ, ажлын байрын зар оруулахдаа хайж байна, худалдаж авна, санал хүлээж байна гэж зарлахыг хориглоно. Та ямар нэгэн бараа, үйлчилгээ хайж байгаа бол сайт дээрх заруудаас хайж олно уу.

Жич: Яагаад “хайж байна”, “худалдаж авна” гэсэн зар оруулж болохгүй вэ? 

6. Нэг барааны дүрэм зөрчигдсөн. Ихэнхи тохиолдолд худалдан авагч тодорхой бараа хайж байдаг учир нэг зар дээр хэд хэдэн бараа бүтээгдэхүүн байрлуулах нь ашиггүй байдаг. Тиймээс чанартай контент хүргэх үүднээс зар тус бүр нэг бараа бүтээгдэхүүн сурталчлахыг зөвшөөрнө. Уг зар нь  өөрийн гэсэн зурагтай, тайлбартай мөн тохирох үнэтэй байна. Хэрэв таны зар хэд хэдэн бараа бүтээгдэхүүн агуулсан бол зардаа засвар хийн бараа бүтээгдэхүүн тус бүрт нь тусдаа зар оруулна уу.

Жич: Яагаад нэг зард хэд хэдэн бараа, үйлчилгээ сурталчилж болохгүй вэ?

7. Хогирлосон бараа, үйлчилгээ.

Unegui.mn дээр сурталчилан нийтлэхийг хориглосон зүйлсийн жагсаалт бий. Эдгээр нь хууль зөрчсөн, нэмэлт нөхцөл, тусгай зөвшөөрөл шаардсан, аль эсвэл үйлчилгээний журам зөрчсөн бараа, үйлчилгээнээс бүрдсэн байна.

Жич: Хориотой бараа, үйлчилгээ

Яагаад зарын утасны дугаар бүтнээр харагдахгүй байна вэ?

Бидний гол үүрэг бол худалдагч нарт худалдан авагчийг олж, худалдан авагчдад бараа бүтээгдэхүүн олж авахад туслах юм. Худалдагч болон худалдан авагчийн хооронд хийгдэж буй ярианы тоо нь бидний ажлын гол хэмжүүр юм. Утасны дугаарын хэсгийг нуусанаар бид хэр их яриа хийгдэж буйг тоолох боломжтой болж байгаа юм. Үүний дагуу бид өөрсдийн ажлын чанараа сайжруулах боломжтой юм.

Админууд яагаад зарын гарчиг болон тайлбар хэсгээс утасны дугаар устгадаг вэ?

Бидний гол даалгавар бол худалдан авагчдаас зарын эзэд рүү хийгдэх дуудлагыг ихэсгэх юм. Үүний тулд бидэнд дуудлагын тоог хэмжих шаардлагатай болдог. Тиймээс “Утас” гэсэн хэсэг нь холбоо барих мэдээллийг оруулах ганц газар юм.

Бид утасны ярианы тоог нэмэгдүүлэх зорилгоор сайтаа сайжруулах ажил хийж байна.

Зараа хэрхэн Онцгой/VIP зар болгох вэ?

Уг үйлчилгээг авахын тулд “Миний зарууд” гэсэн хэсэгт нэвтрэн, “Нийтлэгдсэн” хэсэгт орон “Онцгой/VIP зар болгох” гэсэн товчлуур дарна.

Хэрэв та гар утаснаасаа орж байгаа бол “Миний зарууд” цэст нэвтрэн зарын жагсаалтаас шаардлагатай зараа сонгон дарсанаар “Онцгой/VIP зар болгох” гэсэн товчлуур гарч ирнэ.

Ямар зураг оруулж болох вэ?

Амжилттай борлуулалтын дүрэм нь сайн чанарын тод зурагтай байх юм.

Зөвлөгөө:

  • Зураг нь зарын утга агуулгатай нийцсэн байх ёстой.
  • Бүтээгдэхүүний өөрийнх нь зураг байвал сайн.
  • Интернетээс авсан зураг нь худалдан авагчийг өрөөсөө холдуулдаг.
  • Зурагт орсон бараанаас бусад зүйлс бараанаас анхаарал сарниулна.
  • Хэр их зураг байна, төдий чинээ худалдан авагчдын анхаарал татна.

Статистикийн дагуу 8 зураг оруулсан зар нь ганцхан зурагтай зараас 25%-иар илүү хандалттай байдаг байна.

“Үйлчилгээ” категорид таны ажлын үр дүнгийн зураг оруулж болно.

Зурагт холбоо барих хаяг оруулахгүй байхыг анхаарна уу. Мөн зурагт бусдын анхаарал татсан текст оруулж засахгүй байх. Жишээ нь: Яаралтай, Анхаараарай, Хямдарсан гэх мэт.

Буруу:

Зөв:

Жич: Ямар зураг оруулж болох вэ?

Ямар үнэтэйг нь мэдэхгүй байвал ямар үнэ тавих вэ?

Хэт их өндөр үнэ бүү оруул. Таны зартай ижил төстэй заруудыг судлан дундаж үнэ оруулна уу.

Хэрэв үнийн дүн, урьд нь байснаасаа хямдарч буурсан тохиолдолд хямдруулсан шалтгаан буюу бараа муудаж хуучирсан гэх мэт бусад тайлбарыг зарын тайлбар хэсэгт бичиж оруулна.

“Үйлчилгээ” категорид үзүүлж буй үйлчилгээний хамгийн бага хэмжэгдэхүүнээр үнэлэнэ үү. Жишээ нь 1 м² үнэ, 1 хуудас орчуулгын үнэ гэх мэт. Хэрэв та хэд хэдэн ижил төстэй үйлчилгээ үзүүлдэг тохиолдолд (замаска тавих, будах, обой наах) зарын категориос хамааран үнийн жагсаалт тайлбар хэсэгт оруулахыг зөвшөөрнө.

Санал болгож буй бараа, үйлчилгээнийхээ л үнийг бичхийг анхаарна уу.

“Ижил зар” гэсэн тайлбартай буцаалт ямар утгатай вэ?

Таны зар “Ижил зар” гэсэн тайлбартай буцаагдсан бол урд нь та хэд хэдэн удаа ижил зар оруулсан байна гэсэн үг юм. Нэг бүтээгдэхүүн, үйлчилгээний талаар олон дахин ижил зар бүү оруулна уу.

Зарын хүртээл нь зарын чанар болон өвөрмөц байдлаас нэн түрүүн шалтгаална.  Бид давхацсан болон ижил зар оруулахыг хориглодог. Үүнд идэвхигүй ижил зар мөн хамаарна. Бүх ижил зарууд автоматаар буцаагддаг.

Бидний зөвлөгөөг дагана уу:

  • Зарын хугацааг дуусхаас өмнө зарыг буулгаж дахин нийтлэхгүй байх.
  • Давтан нийтлэхийг (хуучин зар устган шинээр оруулах) хориглоно
  • Зар нийтлэхдээ ижил гарчиг, зураг, тайлбар ашиглахгүй байх.
  • Нэг зараа хэд хэдэн байршил болон категорид нийтлэхгүй байх. Хамгийн тохиромжтойг нь л сонгоно уу.

Зарын тайлбарт юу бичих вэ?

Тайлбар нь зарлаж буй бараа, үйлчилгээний гарчигтай бүрэн нийцэж байх ёстой. Нэг зард нэг л бараа, үйлчилгээний тайлбарыг зөвшөөрнө.

  • санал болгож буй бараа/үйлчилгээ/санал/ажлын байрны тухай тодорхой, дэлгэрэнгүй болон ойлгогдохуйц мэдээлэл оруулна

Жишээ нь та үл хөдлөх хөрөнгө худалдаалж байгаа бол орон сууцныхаа байршил, дотоод заслын байдал болон нэмэлт мэдээллийг оруулна уу.

 

Доорх зүйлсийг “Тайлбар” хэсэгт хориглоно:

  • холбоо барих утасны дугаар, хаяг оруулах. Эдгээрийг бичих боломжтой өөрсдийн талбар бий.
  • ямар нэгэн бусад эх үүсвэрийн холбоос оруулах
  • худал болон хэрэглэгчдийг төөрөгдүүлэх мэдээлэл, түүнчлэн барааны дутагдалыг нуун дарагдуулах нь зарыг устгах шалтгаан болох болно.

Бид утга агуулгаар давхацсан болон ижил зар оруулахыг хориглодог болохыг анхаарна уу.

Ажлын байрны зард юу бичих вэ?

Ажлын байрны зарын хандалтыг ихэсгэх үүднээс тайлбар хэсэгт аль болох их мэдээлэл оруулахыг бид зөвлөж байна. Энэ тохиолдолд ажил хайгч нь ямар байгууллагад ямар төрлийн ажил гүйцэтгэх талаар ойлгох болно.

Бидний зөвлөгөө:

  • байгууллагын нэр болон чиглэлийг бичих. Хэрэв байгууллага нь худалдаа эрхэлдэг бол, ямар төрлийн бараа зардаг талаар бичих.
  • ажлын байранд тавигдах шаардлага оруулах (сургалт, гэрчилгээ, туршлага)
  • гүйцэтгэх үндсэн үүргийг тодорхойлох
  • ажлын нөхцлийн талаар тодорхойлох (цагын хуваарь, төлбөр, г.м.)
  • “Цалин” хэсэг нь ажил хайгчийн гол шалгуурын нэг учир энэ хэсгийг заавал бөглөнө үү. Цалин бичэгдээгүй ажлын зар бусад зараас 50%-иар бага хандалт авдаг байна.
  • байгууллагынхаа тухай нэмэлт мэдээлэл оруулж бусад ажлын зараас ялгарж болно. Жишээ нь ажлын байрны сургалт, ажлын хувцас, утас, хоолны нэмэлт г.м.

Танд одоо зураг нэмэх л үлдлээ. Ажлын газрын, оффисийн эсвэл байгууллагын лого оруулж болно.

Жич: Ямар зураг оруулж болох вэ?

Миний зарыг яагаад өөрчилсөн вэ?

Оруулсан зар болгон админ руу хянагдахаар илгээгдэнэ. Хянах явцад админ нь тайлбарт зөрчил олсон тохиолдолд өөрчилөх эрхтэй. Энэ тохиолдолд бид агууллагын утгыг хэзээ ч өөрчилдөггүй.

Жишээ:

  • гарчиг хэсгээс бид “Зарна”, “Яаралтай”, “Хямдрал” гэсэн үгнүүдийг устгана
  • гарчиг хэсгийг зөвхөн том үсгээр буюу Caps Lock ашиглан бичсэн тохиолдолд бид жижиг үсгээр солино
  • тайлбар хэсгээс холбоо барих хаяг болон үнийг устгана. Учир нь эдэнд зориулсан талбар бий.
  • буруу категорид орсон зарын категорийг өөрчилнө. Жишээ нь цонхны худалдааны зарыг “Барилгын материал” категори бус “Үйлчилгээ” категорид оруулсан бол

Бид үйлчилгээгээ сайжруулах тал дээр ажилладаг тул хэрэглэгч танд зөв зар өгөхөд туслахыг эрмэлзэж байдаг билээ. Тиймээс, таны зар бага зэргийн зөрчилтэй байвал тан руу буцаан илгээлгүйгээр таны зарыг сайт дээр аль болох хурдан байршуулах үүднээс өөрсдөө засвар оруулдаг юм.

“Миний зарууд” болон хувийн тохиргоо

Зарын огноог хэрхэн шинэчлэх вэ?

Зараа шинэчлэхийн тулд  “Миний зарууд” цэст нэвтэрсэн байх шаардлагатай. Зарын хуудас дээр “Шинэчлэх” гэсэн товчлуур дарна.

Гар утаснаас орж байгаа бол зар дээрээ дарснаар “Шинэчлэх” гэсэн товчлуур гарч ирнэ.

Зарыг 14 хоногт нэг удаа шинэчлэх боломжтой. Шинэчлэгдсэн зар автоматаар өөрийн категорийн бүх зарын эхэнд байрлагдана.

Зарыг өдөр бүр яагаад шинэчлэж болохгүй вэ?

Худалдан авагч бүр сайт руу орон нэг зүйл худалдан авахаар хайж байна. Үүний тулд худалдан авагч маань шинэ зар олох үүднээс өдөр бүр, зарим тохиолдолд өдөрт хэд хэдэн удаа орж байна. Тиймээс категориудад шинэ зар гарч ирж байх ёстой.

Хэрвээ зарын эзэд зараа өдөр бүр шинэчлэх боломжтой байгаад байнга шинэчлээд байвал худалдан авагчид өдөр бүр нэгэн ижил заруудаа харах болно.

Цаашлаад, худалдан авагч маань байнга ижил зар харсаар байгаад өөрт таалагдсан санал байхгүй байна гэж дүгнэн сайт руу дахин орохоо болино.

Үр дүнд нь худалдан авагчгүй болсноор борлуулалтгүй болно.
14 хоноод нэг шинэчлэх нь бүх худалдагч болон худалдан авагчид бие биенээ олох боломж олгож байгаа юм.

Зар устгах боломжтой юу?

Хэрэв та өөрийн зарыг сайт дээр гарч ирэхийг болиулах бол “Устгах” гэсэн товчлуур дарснаар таны зарыг бусад хэрэглэгчид харах боломжгүй болно.

Одоогоор сайтаас зар бүрэн устгах горим байхгүй байна.

Зараа хэрхэн засах вэ?

“Миний зарууд” цэст нэвтрэн зарын хажууд байрлах “Зараа засах” гэсэн товчлуур дарна:

Та зар засах хуудаст орон хүссэн мэдээллээ өөрчлөх боломжтой болно.

Хэрэгтэй мэдээллээ өөчилсөний дараагаар хуудасны доор байрлах “Хадгалах” товчлуурыг дарна.

Гар утаснаас орж байгаа бол “Миний зарууд” цэст нэвтрэн хэрэгтэй зар дээрээ даран орсноор хуудасны доод хэсэгт “Зараа засах” гэсэн товчлуур харагдана.

* Зарын аль ч хэсгийг өөрчилсөнөөр зар дахин админаар хянагдах болно.

Зараа хэрхэн устгаж мөн нийтлэж болох вэ?

Зараа устгахын тулд “Миний зарууд” цэст нэвтрэн зарын хажууд байрлах “Устгах”  гэсэн товчлуур дарна.

Гар утаснаас орж байгаа бол “Миний зарууд” цэст нэвтрэн хэрэгтэй зар дээрээ даран орсноор хуудасны доод хэсэгт “Устгах” гэсэн товчлуур харагдана.

Хүчингүй болгох үйлдэлдээ итгэлтэй байвал гарч ирэх цонхноос “Тийм, хүчингүй болгох” гэсэн товчлуур дарна.

Үүний дараагаар таны зар танаас бусад хүнд харагдахгүй болно.

Устгагдсан зарууд “Миний зарууд” цэсийн “Устгагдсан” хавтаст байрлах болно.

Устгагдсан зарыг нийтлэхийн тулд “Миний зарууд” цэсийн “Устгагдсан” хавтаст орон хэрэгтэй зар дээрээ даран “Нийтлэх” товчлуурыг дарна.

Нийтлэхээсээ өмнө зарын мэдээлэл нь хүчинтэй эсэхээ шалгана уу.

Зураг хэрхэн нэмэх вэ?

Зураг нэмэхийн тулд “Миний зарууд” цэснээс хэрэгтэй зараа “Зараа засах” горимд нээнэ. Ингэснээр та зураг оруулах боломжтой болно. Та хамгийн ихдээ 8 зураг оруулах боломжтой.

“Зураг нэмэх” тэмдэглэл дээр даран тохирох зургуудаа сонгон тэднийг оруулна уу.

Зурагт өөрийн холбоо барих хаяг оруулахгүй байхыг анхаарна уу.

Миний бараа зарагдаагүй байхад яагаад миний зар хаагдсан байна гэсэн бичигтэй байна вэ?

Дээрх тохиолдол нь хэрэглэгчдийн ирсэн гомдлын дагуу админууд таны зарыг хаасан байна гэсэн үг юм.

Жишээ нь тан руу худалдан авагч залгах үед:

- Бараа зарагдсан гэж та хэлэх.

- Таны утас нилээд хугацааны туршид холбогдохгүй байх.

- Зар нийтэлсэнээс хойш 30 хоног болсон байх.

Дээрх тохиолдлуудад зар хаагдана.

Та зараа сайт дээр дахин харагдуулахыг хүсэж байгаа бол түүнийгээ нийтлэнэ үү.

Яагаад “хайж байна”, “худалдаж авна” гэсэн зар оруулж болохгүй вэ?​

“Хайж байна” зарууд хандалт авдаггүй. Учир нь “Хайж байна” гэсэн зар оруулж буй хэрэглэгчид зараа оруулсаны дараагаар хайлт хийлгүйгээр хариу хүлээн суух болно.

“Зарна”, “Санал болгож” байна гэсэн зар оруулж буй хэрэглэгчид хариу хүлээн суух болно.

Эцэст нь бүгд бие биенээ хүлээн суух болно. Хэн ч худалдахгүй, хэн ч худалдан авахгүй. Та ямар нэгэн бараа, үйлчилгээ хайж байгаа бол сайт дээрх заруудаас хайж олно уу.

Мянга мянган зар дунд таны хайсан зүйл байж магадгүй юм.

Зараа аль категорид байршуулах вэ?

Зардаа тохирох категорийг сонгоно уу. Ингэснээр таны зар илүү хандалттай болно.

Та өөрт таарсан зарын категорийг урдчилан мэдэж авахын тулд хайлт ашиглан ижил төстэй зар олж, категорийн дагуу зараа нийтлэж болно.

Жишээ:

“Үл хөдлөх” гэсэн категорид байр, хашаа байшин, оффисийн худалдаа, түрээс орно.

“Автомашин” гэсэн категорид бүх төрлийн тээврийн хэрэгсэл, тэдний сэлбэг, туслах хэрэгслийн худалдаа орно.

“Үйлчилгээ” гэсэн категорид төрөл бүрийн үйлчилгээ орно.

“Утас, дугаар” гэсэн категорид гар утас, сэлбэг, дагалдах хэрэгсэл орно.

“Ажилд авна” гэсэн категорид бүх төрлийн ажлын байрны зар орно.

Яагаад нэг зард хэд хэдэн бараа, үйлчилгээ сурталчилж болохгүй вэ?

Ихэнхи тохиолдолд худалдан авагч тодорхой бараа хайж байдаг учир нэг зар дээр хэд хэдэн бараа бүтээгдэхүүн байрлуулах нь ашиггүй байдаг.

Жишээ нь, та “Янз бүрийн бараа зарна” гэсэн гарчигтай зар оруулсан гэж бодъё.

Худалдан авагч “Цүнх” гэсэн хайлт хийнэ.

Таны зарын гарчигт “цүнх” гэсэн үг байхгүй тул худалдан авагч маань таны зарыг олж харахгүй.

Эцэст нь та бараагаа зарж чадахгүй, худалдан авагч маань хэрэгтэй зүйлээ олж чадахгүй.

Тиймээс чанартай контент хүргэх үүднээс зар тус бүр нэг бараа бүтээгдэхүүн сурталчлахыг зөвшөөрнө. Уг зар нь  өөрийн гэсэн зурагтай, тайлбартай мөн тохирох үнэтэй байна.

Яагаад миний утасны дугааруудыг нэг бүртгэлд нэгтгэсэн вэ?

Өөр утасны дугаар ашиглан ижил зар байрлуулсан болох нь техникийн анализаар тогтоосон болно.

Уг анализаар давхардсан нь тогтоогдсон утасны дугааруудыг нэгтгэн нэг бүртгэл дор оруулах болно.

Үйлчилгээний нөхцөлийн 2.5 заалтын дагуу нэг хэрэглэгч нь (хувь хүн болон хуулийн этгээд) нэг л бүртгэлтэй байна.

Ингэснээр яах вэ?

- Та сайтад нэвтрэхдээ бүртгэлдээ холбогдсон аль ч дугаарыг ашиглан нэвтэрч болно.

- Та аль ч дугаараа ашиглан дансаа цэнэглэж болно.

- Та аль ч дугаараараа заруудаа удирдах боломжтой болно. Мөн шаардлагатай тохиолдолд шинэ дугаар ч нэмэх боломжтой юм.

Төлбөртэй үйлчилгээ

Онцгой/VIP зард байршуулах ямар төлбөртэй вэ?

Онцгой зард байршуулах төлбөр нь таны зарын категори болон хэдэн өдөр байршуулахаас хамаарна.

Үйлчилгээ захиалах хуудаснаас таны зарын төлбөр хэд байхыг мэдэж болно. Тухайн категорийн эрэлтээс болон идэвхтэй онцгой зарын тооноос шалтгаалан онцгой зарын үнэ байнга хэлбэлзэж байна. 

Жишээ:

Жич: Зараа хэрхэн Онцгой/VIP зар болгох вэ?

Миний дансанд хэдэн төгрөг байна вэ?​

“Таны дансанд” хэдэн төгрөг байгааг “Миний зарууд” цэсний дээд хэсгээс харж болно.

Дансаа хэрхэн цэнэглэх вэ?​

Дансаа банкны шилжүүлгээр цэнэглэх боломжтой.

Дансаа цэнэглэх бол “Миний зарууд” цэст нэвтрэн хуудасны дээд хэсэгт байрлах “Дансаа цэнэглэх” гэсэн товчлуур дарна.

Дараа нь, цэнэглэх дүнг сонгон “Үргэлжлүүлэх” товчлуур дарна.

1. Дараах данс руу илгээнэ үү.

ХААН банкны данс: 5447171926

Хүлээн авагч: Үнэгүй Групп ХХК

2. Гүйлгээний утга дээр заавал: УТАСНЫ ДУГААР оруулна уу.

Бусад мэдээллийг ажлын өдрүүдэд, 9-18 цагийн хооронд харилцагчийн үйлчилгээний  7700-0515 утсаар авна уу.  Бусад үед сайтын чатаар дамжуулан бидэнтэй холбогдоно уу. И-мэйл хаяг: help@unegui.mn

Өөрийн төлсөн төлбөрөө хэрхэн харах вэ?​

Төлбөр төлж байсан мэдээллээ харахын тулд “Миний төлбөр” гэсэн цэст орно.

Та “Бүх төлбөр” гэсэн хавтаст шууд нэвтрэх болно. Энэ хуудаснаас та бүх төлбөрөө харах боломжтой.

Гар утаснаас “Миний зарууд” цэст нэвтрэн “Төлсөн төлбөр” гэсэн товчлуураар орно.

Гүйлгээ бүрийн хажууд огноо, цаг, төлбөрийн хэмжээ болон төлөвийн тухай харж болно.

“Амжилттай” төлөв – таны үйлчилгээ идэвхижэн, таны данс цэнэглэгдэж ашиглахад бэлэн болсон байна.

“Шалгагдаж байгаа” төлөв – таны үйлчилгээ захиалганд орсон. Данс хараахан цэнэглэгдээгүй байгаа учир үйлчилгээ идэвхижээгүй байна.

“Буцаагдсан” төлөв – та захиалсан үйлчилгээнээсээ татгалзаж “Буцаах” товчлуур дарсан байна.

Өөрийн “Онцгой”, "VIP" заруудыг хэрхэн олох вэ?

Онцгой болон VIP зарууд өөрийн байрлах категорийн дээд хэсэгт байрлана:

Өөрийн зарыг олохын тулд байршуулсан зарынхаа эцсийн шатны категори руу орно.

Жишээ нь: Та “2 өрөө байр зарна” категорид “Онцгой зар” оруулсан байна.

Та гол категори болох “Үл хөдлөх” рүү орно. Дараагаар 2 дах шатны категори болох “Үл хөдлөх зарна” руу орно. Дараа нь 3 дах шатны категори болох “Орон сууц зарна” руу орно. Эцэст нь 4 дах шатны категори болох “2 өрөө байр зарна” категори руу орно.

Эндээс та өөрийн зарыг “Онцгой зар”/VIP төлөвтэйгээр харах болно.

Нэг дор хамгийн ихдээ 2 "VIP" болон 6 “Онцгой зар” байрладаг. Эдгээр нь санамсаргүй дараалалтай байна.

Бүх идэвхитэй "VIP" заруудаас санамсамсаргүй байдлаар мөн “Онцгой” заруудаас санамсамсаргүй байдлаар 6 зар сонгогдон харагдана. Хуудас дахин ачааллагдах үед дараагийн 2 болон 6 зар гарч ирнэ. Ингэснээр бүх "VIP" болон "Онцгой зарууд" санамсаргүй байдлаар ижил давтамжтайгаар харагдана.

Таны зар "VIP"/“Онцгой” зарын жагсаалтанд харагдахгүй байгаа бол өөр хэрэглэгч таны зарыг харж байна гэсэн үг юм. Хуудас дахин ачааллагдах үед дараагийн хэрэглэгчид харагдах болно. Тиймээс бүх "VIP"/“Онцгой” зард ижил боломж байна гэсэн үг юм.

Миний зар “Онцгой/VIP болоогүй байна. Миний төлбөр хаачсан вэ?

Та дансандаа шаардлагатай мөнгө шилжүүлэн өөрийн зарыг “Онцгой/VIP зар” болгосон ч доорх зүйлүүдээс шалтгаалан таны зар сайт дээр нийтлэгдээгүй байж болно:

- Зар админаар хянагдаагүй байх. Админ таны зарыг хянаж дуустал түр хүлээнэ үү;

- Зар нийтлэх журам зөрчигдсөнөөс болж зар буцаагдсан байх.

- Таны дансны үлдэгдэл хүрэлцээгүйн улмаас үйлчилгээ идэвхижээгүй байх. Төлбөр төлөгдсөн эсэхийг шалгана уу.

Бүх зүйлийг шалгасны дараагаар шалтгаан нь олдохгүй байвал бидэн руу залгана уу. Бид асуудлыг түргэн шийдэж өгөх болно.

Та ажлын өдрүүдэд, 9-18 цагийн хооронд харилцагчийн үйлчилгээний дугаар 7700-0515 утсаар лавлана уу. Бусад үед сайтын чатаар бидэнтэй холбогдоно уу. И-мэйл хаяг: help@unegui.mn

Зар нийтлэх төлбөртэй болсон юм уу?

Урд нь байсантай адил одоо ч бүх хэрэглэчдэд зар нийтлэхэд төлбөр байхгүй болно. Та хүссэн үедээ хүссэн тооны зар оруулах боломжтой юм. Харин төлбөрт категорид эхний зар л үнэгүй болохыг анхаарна уу.

Одоогийн байдлаар хэрэглэгч бүрт зараа байршуулж байх үедээ энгийн зараар нийтлэхээс гадна өөрийн зараа нэмэлтээр “Онцгой зар” болгон жагсаалтын дээр байрлуулан олон хандалттай болгох боломж бий.

Зараа сайт дээр үнэгүй нийтлэх бол “Энгийн байдлаар гаргах” буюу “Үнэгүй” гэсэн чагтыг дарж “Нийтлэх” гэсэн товчлуур дарна.

Жишээ:

Мэдээлэл
Error 400
Хайлтаа хадгалаарай
Хайлтын илэрцийн хуудас дээрх "Хайлт хадгалах" товчлуур дээр дарна уу.
Таалагдсан хэсэг дэх шинэчлэлтүүдээ шалгана уу.
Таалагдсан зарууд уруу нэмэх
Энэ зарын "Одыг" дарж, "Таалагдсан" хэсэгтээ оруулбал дахин олоход хялбар байх болно.